அடிக்க‌டி ஒரே ப‌ழ‌க்க‌த்துக்கு நீங்க‌ அடிக்டா?

என்கிட்ட‌ இருக்கிற‌ ஒரே கெட்ட‌ ப‌ழ‌க்க‌மா? ந‌ல்ல‌ ப‌ழ‌க்க‌மானுல்லாம் தெரிய‌ல‌. எப்போ பார்த்தாலும் கை சுத்த‌மா இருக்க‌னும் அப்டின்னு கைக‌ளை க‌ழுவிகிட்டே இருக்கிற‌துதான் அந்த‌ ப‌ழ‌க்க‌ம். இதே மாதிரி சில‌ருக்கு அடிக்கடி ஏதாவ‌து ஒன்றை செய்ற‌ ப‌ழ‌க்க‌ம் இருந்துச்சுன்னா அதில‌ ஒரு மேட்ட‌ர் இருக்கு. ஹிந்தி ந‌டிக‌ர் ஷாருக் கான் கிட்ட‌ ஒரு ப‌ழ‌க்க‌ம் இருக்குதாம். ட்ரெஸ்ஸுக்கு மேட்சா அவ‌ர் நினைக்கிற‌ சாக்ஸ் கிடைக்காட்டா, தேடி எடுத்துட்டு தான் வெளியே போவாராம், ஃப்ளைட்ட‌ மிஸ் பண்ணினால் கூட‌ க‌வ‌லைப்ப‌ட‌ மாட்டாராம். இந்த‌ மாதிரி சில‌ர் ஏற்கென‌வே வீட்டை பூட்டியிருப்பாங்க‌, ஆனால், வீட்டை ச‌ரியா பூட்ட‌லைன்னு நினைத்து திரும்ப‌ வ‌ந்து பூட்டை செக் ப‌ண்ணுவாங்க‌. இதுக்குல்லாம் என்ன‌ கார‌ண‌ம்னு சைக்கால‌ஜிஸ்ட்கிட்ட‌ கேட்டால், செய்ற‌ வேலைய‌ ஒழுங்கா செஞ்சு முடிக்காம‌ல் இருக்கிற‌த‌னால‌, அப்ற‌மா அடுத்த‌ வேலை செய்ற‌ப்போ அதே ஞாப‌க‌ம் வ‌ரும் அப்டின்னு சொல்றாங்க‌. இது கூட‌ Obsessive Compulsive trait அப்டிங்கிற‌ ஒரு ம‌ன‌ ந‌ல‌ பாதிப்புதானாம். அத‌னால‌, இன்னைல‌ருந்து ஒரு த‌ட‌வை எந்த‌ வேலை செஞ்சாலும், அப்ப‌வே அப்பவே அதை ஒழுங்கா Complete ப‌ண்ணிட்டு fullstop வ‌ச்சிர‌லாம்.O.K?

ஆராய்ச்சிக‌ள் சொன்ன‌ விஷய‌ங்க‌ள் - II ‍:

*எல்லாரும் 8 ம‌ணி நேர‌ம் தூங்கினா ந‌ல்ல‌துன்னு சொல்வாங்க‌. 100 வ‌ய‌சுக்கு மேல‌ உள்ளவ‌ங்க‌கிட்ட‌ ச‌ர்வே ப‌ண்ணிய‌தில், அவ‌ங்க‌ 10 ம‌ணி நேர‌ம் தூங்குவ‌தாக‌ சொல்லியிருக்காங்க‌. 100 வ‌ய‌சுக்கு மேல‌ வாழ்னும்னா, தினமும் இர‌வு 10 ம‌ணி நேர‌ம் தூங்க‌னும் அப்டின்னு ல‌ண்ட‌ன்ல‌ ஒரு ப‌ல்க‌லைக்க‌ழக‌ ஆய்வு சொல்லுது.அப்போ வேலைக்கு போக‌ வேண்டாமா?

*இனிமேல் க‌ல்லீர‌ல்ல‌ பிர‌ச்சினை இருந்துச்சுன்னா, திக்கா இருக்கிற‌ சாக்லேட் சாப்டுங்க‌ன்னு எழுதி குடுக்க‌ போறாங்க‌. என்ன‌, டார்க் சாக்லேட்ஸ் சாப்டா க‌ல்லீர‌ல் பிர‌ச்சினை போயே போயிருமாம் ‍‍
இதுவும் நானா சொல்ல‌லை. ஒரு ஆராய்ச்சி சொல்லுதுப்பா !

*உடம்பை குறைக்க‌னும்னு நெனைக்கிற‌வ‌ங்க‌ ந‌ல்லா குற‌ட்டை விட்டு தூங்குங்க‌. ஏன்னா குற‌ட்டை விடற‌த‌னால‌, நெறய‌ க‌லோரிக‌ள் குறையுதாம். பின்குறிப்பு: ஒல்லியா இருக்கிற‌வ‌ங்க‌ குற‌ட்டை விட்டால் நான் பொறுப்பு கிடையாது.

*முடி அட‌ர்த்தியா வ‌ள‌ர‌னும்னு ஆசையா இருந்தால் ஜோஜோபா ப‌ழத்தில் இருந்து எடுக்கிற‌ எண்ணெய்ல‌ கிடைக்கிற‌ ஷாம்பூக்க‌ளை போட்டு, முடியை ந‌ல்லா ம‌சாஜ் செஞ்சா, கூந்தல் அட‌ர்த்தியாகும்.

ஆராய்ச்சிக‌ள் சொன்ன‌ விஷய‌ங்க‌ள்:

ஒரே ப‌ட‌ப‌ட‌ன்னு வ‌ருதா? உங்க‌ளுக்கு உய‌ர் ர‌த்த‌ அழுத்த‌ம் இருந்தா, தென‌மும் க்ரேப்ஸ் சாப்டுட்டு பாருங்க‌ அப்டின்னு அமெரிக்க‌ ஆராய்ச்சி ஒன்னு சொல்லுது.
*எதுக்கெடுத்தாலும் ரொம்ப‌ ரொம்ப‌ டென்ஷ‌ன் ஆகிறீங்க‌ளா? இந்த‌ மாதிரி ம‌ன‌ அழுத்த‌ம் தான் ம‌ன‌ நோய்க்கு கார‌ண‌ம் அப்டின்னு ஒரு ஆய்வு சொல்லுது. அத‌னால், டென்ஷ‌ன் ஆச்சுன்னா பாட்டு கேளுங்க‌ப்பா.
*கிரேக்க‌ நாட்டுல‌ உள்ள‌வ‌ங்க‌ளுக்கு அவ்ளோ அறிவாம். அவ‌ங்க‌ளுக்கு ம‌ட்டும் இது சாத்திய‌ம் அப்டின்னு பார்த்தா, அவ‌ங்க‌ சாப்பாட்டில‌ நெற‌ய‌ ஆலிவ் ஆயில் சேர்த்துக்கிறாங்க‌ளாம். நெற‌ய‌ ப‌ழங்க‌ள், காய்க‌ள், மீன் இத‌யெல்லாம் ந‌ம்ம‌ளை விட‌ அதிக‌மா சாப்பிட‌றாங்க‌ளாம். அத‌னால‌ பெரிய‌ அறிவாளியா இருக்க‌னும்னா, கிரேக்க‌ர்க‌ள் மாதிரி சாப்பிட‌னுமாம்.
*எத்த‌னை பேர் தென‌மும் ஒரு க‌ப் பால் குடிக்கிறீங்க‌ன்னு தெரியல். ஆனால், விட்ட‌மின் டி க்கு இத‌ய நோய், ட‌ய‌ப‌ட்டீஸ், உய‌ர் ர‌த்த‌ அழுத்த‌ம், கேன்ச‌ர் இதெல்லாம் வ‌ராம‌ த‌டுக்கிற‌ ஷ‌க்தி இருக்கிற‌த‌னால், கூட‌ ஒரு க‌ப் பால் குடிச்சா ந‌ல்ல‌துன்னு க‌லிபோர்னியா ஆய்வுக் க‌ழக‌ம் சொல்லுது...

சுறா பார்க்க‌ போற‌வ‌ங்க‌ காதில‌ பூவா?

தமிழ்ல‌ இருக்கிற‌ சான்ஸை எல்லாம் விட்டுட்டு ஹிந்தி ப‌டங்க‌ள்ல‌ ந‌டிக்க‌ப் போன‌ அசினுக்கு அங்கே நெற‌ய‌ ஹிந்தி ந‌டிக‌ர்க‌ள் அசினோட‌ விய‌ர்வை ரொம்ப‌ ஸ்மெல் அடிக்குது. அத‌னால அசின் கூட‌ ந‌டிக்க‌ மா‌ட்டேன் அப்டின்னு சொன்ன‌தா பேச்சு அடி ப‌ட்டுச்சு.இருந்தாலும் அசினுக்கு இவ்ளோ சிக்கல் வ‌ர‌க்கூடாது. . போன‌ வார‌ம் ந‌டிகை அசின் காவ‌ல்கார‌ன் ப‌ட‌ சூட்டிங்க்ல‌ இருந்த‌ப்போ ஒரு க‌தை ந‌ட‌ந்திருக்கு. ஹீரோ விஜ‌ய்ட்ட‌ போய் என‌க்கு ரொம்ப‌ போர் அடிக்கு. ஏதாவ‌து பார்ட்டி வைக்க‌லாமான்னு கேட்டிருக்காங்க‌ அம்ம‌ணி. உட‌னே அவ‌ரும் ஒகேன்னு சொல்லியிருக்கார். ஆனா பார்ட்டிக்கு வ‌ர்ற‌ எல்லாரும் ஒரு காதில பூ வச்சிட்டு வ‌ர‌னும் அப்டின்னு ரூல் போட்டிருக்காங்க‌ அசின். அதிலயும் ஆண்க‌ள் இட‌து காதில‌யும், பெண்க‌ள் வ‌ல‌து காதில‌யும் பூவை வ‌ச்சிட்டு வ‌ர‌னும் அப்டின்னு அடுத்த‌ ரூல் வேற‌. ஆனால், கூத்து என்ன‌ன்னா பார்ட்டிக்கு வ‌ந்த‌ அத்த‌னை பேரும் காதில‌ பூ வ‌ச்சிக்கிட்டு வ‌ந்தாங்க‌ளாம். (நடிக‌ர் விஜ‌யும் தான்). செத்து செத்து விளையாடுற‌ மாதிரி அசின் காதில‌ பூ வ‌ச்சி வ‌ச்சி விளையாண்டு இருக்காங்க‌. இந்த‌ பார்ட்டியில‌ எவ்ளோ விஷ‌ய‌ம் இருந்தாலும் எல்லா மீடியாக்க‌ளும் இப்போ அத‌யெல்லாம் ப‌த்தி பேசாம‌, இந்த‌ பூ விளையாட்ட‌ ப‌த்தி தான் பேச‌றாங்க‌ளாம். பொய் சொல்ற‌துக்கு காதில‌ பூ வைக்கிற‌துன்னு எந்த‌ அர்த்த‌த்தில‌ யார் சொல்லிட்டு போன‌துன்னு தெரிய‌ல. அடுத்த‌வ‌ங்க‌ காதில‌ பூ வைக்கிற‌த‌ பொய் சொல்ற‌துன்னு சொல்றோம். அப்போ அடுத்த‌வ‌ங்க‌ த‌லையில‌ பூ வைக்கிற‌த‌ என்ன‌ன்னு சொல்ற‌து? ஆனால் சன் பிக்ச‌ர்சூக்கு அடிமையாகி விட்ட‌ விஜ‌ய் ப‌ட‌ங்க‌ளும் ர‌சிக‌ர்க‌ள் காதுல‌ பூ வைக்க‌ தானே செய்யுது.
பின் குறிப்பு: சுறா பட‌ம் பார்க்க‌ போற‌வ‌ங்க‌ காதில‌ பூ வைத்துக் கொண்டு போக‌வும்.....

நொந்து நொறுங்கி உள்ள‌ தாமிர‌ப‌ர‌ணி பால‌த்தின் கோல‌ம்:

சென்ற‌ வார‌ம் அலுவ‌ல‌க‌ம் போய்விட்டு வ‌ர்ற‌ப்போ, சாய‌ங்கால‌ம் சீக்கிர‌மே கிள‌ம்பியும், வ‌ல்ல‌நாடு தாமிர‌ப‌ர‌ணி பால‌ம் ப‌க்க‌த்தில் ஏற்ப‌ட்ட‌ டிராபிக் ஜாமால் பாலம் பக்க‌மே ஒரு ம‌ணி நேர‌ம் பேருந்து நின்ற‌து. வீட்டிற்கு போக‌ ஒரு ம‌ணி நேர‌ம் தாம‌த‌ம் ஆனால் பர‌வாயில்லை. வீட்டிற்கு உயிரோடு போவோமா என்ற‌ கேள்வியே எல்லாருடைய‌ ம‌ன‌திலும் இருந்த‌து. இந்த‌ போக்கு இன்று நேற்று அல்ல‌. க‌ட‌ந்த ஒரு வ‌ருட‌மாக‌வே ப‌ய‌ணிக‌ளை ரொம்ப‌ பாதித்து வ‌ருகிற‌து. தூத்துக்குடியிலிருந்து நெல்லை நோக்கி வ‌ந்த‌ ம‌ண‌ல் ஏற்றி வ‌ந்த‌ ஒரு லாரியும், தூத்துக்குடி நோக்கி நாங்க‌ள் சென்று கொண்டிருந்த பேருந்தும் ந‌டு பால‌த்தில் சிக்கி கொண்ட‌ன‌. இந்த‌ தாமிர‌ப‌ர‌ணி பால‌ம் மிக‌ குறுகலான‌ பால‌ம். ஒரு பேருந்து ம‌ட்டுமே ஒரு நேர‌த்தில் போக‌ முடியும். எதிர் ப‌க்க‌த்தில் இருந்து எந்த‌ வாக‌ன‌மும் வ‌ர‌ முடியாது.அத‌னால், எதிர்ப‌க்க‌த்திலிருந்து வ‌ரும் வாக‌ன‌ங்க‌ள் ஒரு 2 நிமிட‌ங்க‌ள் பொறுத்தால், பிர‌ச்சினை இல்லாம‌ல் டிராபிக் க்ளிய‌ர் ஆகி விடும். ஆனால் பொறுமைய‌ற்ற‌ ஓட்டுன‌ர்க‌ளால் லாரியும் மூவ் ப‌ண்ண‌ முடியாது. பேருந்தையும் ஒரு இன்ச் கூட‌ ந‌க‌ர்த்த‌ முடியாது. அப்ப‌டி ஒரு நிலைமை. பேருந்தின் வாச‌லும்,ஏற்கென‌வே உடைந்து மிக‌ மோச‌மாக‌ உள்ள‌ பால‌த்தின் கைப்பிடிச்சுவ‌ரும் உர‌சிக்கொண்டு இருந்த‌து. பேருந்தை ந‌க‌ர்த்த‌ முடியாத‌ நிலையில் ப‌ய‌ணிக‌ளாவ‌து இற‌ங்கி ந‌ட‌ந்து போக‌லாமென்றால்,பேருந்தின் ஒரே ஒரு வாச‌லும் இப்ப‌டி சிக்க‌லில் மாட்டிக்கொண்ட‌து. ப‌த்திரிக்கையாள‌ர்க‌ள் வ‌ந்து போட்டோ, வீடியோ என்று எடுத்து த‌ள்ளினர். 1/2 ம‌ணி நேர‌ம் க‌ழித்து போலீஸ் வ‌ந்து ஓட்டுன‌ர்களுக்கு இடையிலான‌ சண்டையை தீர்த்து வைத்து பின்ன‌ர் பேருந்து கிள‌ம்பிய‌ பிற‌கு தான் உயிரே வ‌ந்த‌து. 'என‌க்கென்ன‌, அப்டி ஒரு இடி இடிச்சு ப‌ஸ்ஸை த‌ள்ளி விட்டா அவ்ளோ தான்‍‍'‍‍‍....இது லாரியின் ஓட்டுன‌ர் சொன்ன‌ வார்த்தைக‌ள் ,ஒவ்வொரு நேர‌மும் பால‌த்தை க‌ட‌க்கும் போது நினைத்தாலே பயமாக‌ இருக்கிற‌து.சும்மா முக்குக்கு ஒரு சிக்னல்ல‌ நிக்க‌ விட‌ற‌ டிராபிக் போலீஸை இந்த‌ ஆபத்தான‌ பால‌த்தில‌ நிற்க‌ விட‌லாம்ல‌. முக்கிய‌மான் வி.ஐ.பி(அர‌சியல்வாதி) வ‌ந்தால்தான் இங்கே டிராபிக் போலீஸை நிற்க‌ விடுவாங்க‌ளாம். அப்போ ந‌ம்ம‌ உயிர் என்ன‌ செல்லாக்காசா? பேருந்து பால‌த்தின் கீழ் உள்ள‌ ஆற்றில் க‌விழ்ந்து விழுந்த பிறகு ஐயோ அம்மானு எடுக்கும் ந‌ட‌வ‌டிக்கைக‌ளை இப்போவே எடுத்தா நெற‌ய‌ உயிர்க‌ள் காப்பாற்ற‌ படுமே?

விண்வெளிக்கு போற‌தும், புல்வெளிக்கு போற‌தும் இவ‌ங்க‌ கையில‌தான்....

சின்ன பிள்ளையா இருக்கிற‌ப்போ ந‌ம்ம‌ள்லாம் ராக்கெட் விட்டு விட்டு விளையாடி இருக்கோம். ஆனால், நெஜ‌மாவே ராக்கெட் தொழில்நுட்ப‌த்தை இந்தியாவில‌ செய‌ல்ப‌டுத்தி காட்டிய‌ டாக்ட‌ர். அப்துல் க‌லாம் அவ‌ர்க‌ள்கிட்ட‌ இந்த‌ ராக்கெட் மேல‌ அவ‌ருக்கு எப்போ ஆசை வ‌ந்துச்சுன்னு கேட்ட‌துக்கு, அவ‌ர் ப‌ள்ளியில‌ ப‌டிக்கிற‌ப்போ ப‌ற‌வைக‌ளோட‌ இய‌க்க‌ம் ப‌த்தி பாட‌ம் ந‌ட‌த்தின‌ டீச்ச‌ர் இருக்காங்க‌ள்ல‌, அவ‌ங்க‌ வ‌ந்து ப‌ற‌வைகள் ச‌ர‌ணால‌ய‌த்துக்கு ஒரு நாள் கூட்டிட்டு போய் ப‌ற‌வைக‌ளைல்லாம் க‌ண்கூடா காட்டி அதோட‌ இய‌க்க‌ம் ப‌த்தில்லாம் விள‌க்கினாராம். அதையெல்லாம் பாக்கிற‌துக்கும், கேக்கிற‌துக்கும் அப்டி ஒரு பிர‌மிப்பா இருந்துச்சாம். அதில‌ இருந்து ஒரு விமானியாக‌னும் அப்டிங்கிற‌ ஆசை என‌க்கு வ‌ந்துச்சு அப்டின்னு சொல்லி இருக்காராம் க‌லாம். இந்த‌ மாதிரி நேர‌டி அனுப‌வ‌ங்க‌ள் தான், ஒரு மாண‌வ‌னை ந‌ல்ல‌ நிலைக்கு உய‌ர்த்தும். ஆனா நிஜ‌மாவே இந்த மாதிரி த‌னியார் ப‌ள்ளிக‌ள்ல‌, ஆசிரிய‌ர்க‌ள்லாம் மாண‌வ‌ர்க‌ளுக்கு இப்டி வ‌ழிகாட்டுகிறாங்க‌ளா? ஆசிரிய‌ர்க‌ள் யாராக‌ இருந்தாலும் மாண‌வ‌ர்க‌ளை ஊக்குவிச்சா ந‌ல்லா இருக்கும். இந்த‌ ஒரு புண்ணிய‌மான வேலையை உண்மையா செய்வாங்க‌ளா ந‌ம்ம‌ ஊர் ஆசிரிய‌ர்க‌ள்?

ஊறுகாய‌ மிதிக்காட்டா கூட‌ அட்லீஸ்ட் ம‌திக்க‌லாமே!

இன்னிக்கு ஊறுகாய் தின‌ம். அத‌னால‌ இன்னைக்கு ஒரு நாளாவ‌து சாப்பாட்டில‌ ஊறுகாய‌ சேர்த்துகோங்க‌ப்பா.. நான் இன்னைக்கு த‌யிர் சாத‌த்துக்கு ஊறுகாய் வ‌ச்சி தான் சாப்பிட்டேன். அத‌னால‌ ஊறுகாய‌ ப‌த்தி கொஞ்ச‌ம் அங்கே இங்கே த‌க‌வ‌ல்க‌ளை தேடினேன்பா. ஊறுகாய‌ ப‌த்தி பைபிள்ல‌ 2 இட‌த்தில‌ குடுத்திருக்காங்க‌ளாம். அரிஸ்டாட்டில் ஊறுகாயோட‌ ப‌ல‌ன் ப‌த்தி ரொம்ப புக‌ழ்ந்திருக்கார். ஜூலிய‌ஸ் சீச‌ர், அவ‌ரோட‌ ப‌டை வீர‌ர்க‌ளுக்கு ஊறுகாய‌ சாப்பிட்டால், ரொம்ப‌ எனர்ஜிட்டிக்கா இருப்பாங்க‌ங்கிற‌துக்காக‌. அந்த‌ கால‌த்தில‌ க‌ப்ப‌லோட்டிக‌ள் ஸ்க‌ர்வி நோய த‌டுக்கிற‌துக்காக‌ ஊறுகாய‌ சாப்பிடுவாங்க‌ளாம். ஜார்ஜ் வாஷிங்ட‌னுக்கு ஊறுகாய்னா ரொம்ப‌ பிடிக்குமாம். இன்னிக்கு நைட்டாவ‌து ஊறுகாய‌ சாப்பிட்டிருங்க‌. இல்லாட்டா ஊறுகாய ந‌ம்ம‌ அவ‌ம‌திச்ச‌ மாதிரி ஆயிரும்.....