இன்னைக்கு காலைல பஸ்ல உலக நாயகன் கமல் நடிச்ச காக்கி சட்டை படத்தை பூம் டிவில போட்டாங்க. இப்போ புதுசா தமிழ் நாடு அரசு பஸ்கள்ல நெட்வொர்க் மூலமா பூம் டிவி ஒடுறதனால ஒரே நேரத்தில எல்லா கே.டி.சி. பஸ்கள்ல ஒரே படம் தான் ஓடும். அதனால், நம்ம எல்லா ஊர்லயுமே கே.டி.சி. பஸ்கள்ல காக்கி சட்டை படம் தான் ஒடியிருக்கும். இந்த படத்தில கமலோட பெரிய கனவு போலீஸ் ஆகனும் அப்டிங்கிறது தான். அதனால, அம்பிகா கமல் போலீஸ் ஆகனும்கிறதுக்காக, கமல் போலீஸ் ஆறதுக்கு முன்னாலயே கமலுக்கு போலீஸ் ட்ரெஸ் தைச்சு கொடுக்றதிலிருந்து, கமல் போலீஸ் ட்ரெஸ்ல ஓவியமா வரைஞ்சு வைக்கிற வரை, கமலோட கனவு நெஜமாக்கிறதில ரொம்பவே உதவி செய்ற மாதிரி காட்சிகள்லாம் வரும். நம்ம ஊர்லல்லாம் பார்த்தீங்கன்னா, நெறய போட்டி தேர்வுகள்ல தேர்ச்சி பெற்று, பெரிய வேலைக்கு போற பெண்கள் எல்லாருமே என்னோட இந்த கனவு நெறைவேறுறதுக்கு என்னோட கணவன் தான் காரணம்னு சொல்வாங்க. அதே மாதிரி வாழ்க்கையில எப்டியாவது கார் வாங்கனும்னு கணவனுக்கு ஆசையா இருந்தா, மனைவி எப்டியாவது நகையை அடகு வைச்சாவது கணவனோட கனவை நிறைவேத்திருவாங்க. இப்போ அமெரிக்கால என்ன கண்டுபிடிச்சிருக்காங்கன்னா, இந்த மாதிரி கணவனோட கனவை மனைவி நிஜமாக்கினாலும், மனைவியோட கனவை கணவன் நிஜமாக்கினாலும், கணவன், மனைவி இடையே அன்பு கூடுவதோடு. வாழ்க்கைத்தரமும் உயரும் அப்டின்னு கண்டுபிடிச்சிருக்காங்க. ஒ.கே. அப்றம் என்ன வேலை, பார்டனரோட கனவு என்னது அப்டின்னு கேட்டுட்டு தான் மறுவேலை !
