காலையில பஸ் ஏறுறதுக்குள்ளே அவ்ளோ கூட்டம். அதுவும் இப்போல்லாம் பெண்கள் தான் கூட்டம் கூட்டமா வர்றாங்க. ஆனா, இப்போ நெறய மாடர்ன் பெண்கள் வீடு, குடும்பம் இப்டி வீட்டுக்குள் தான் இருக்க விரும்பறாங்க அப்டின்னு லண்டன்ல ஒரு ஆராய்ச்சி சொல்லுது. ஆண்கள் தான் வீட்டுக்காக சம்பாதிச்சு போடனும், நம்ம வீட்ட நல்ல படியா பார்த்துக்கலாம் அப்டின்ற பழைய கலாச்சாரத்துக்கு மாறிக்கிட்டு வர்றாங்க இப்போ இருக்கிற பெண்கள் அப்டின்னு சர்வே சொல்லுது. சர்வே சொல்றது இருக்கட்டும். என்னைய பொறுத்த வரை தூத்துக்குடில இருந்து கஷடப்பட்டு 2 மணி நேரம் பயணம் செய்து, திரும்ப ஜங்ஷனுக்கு பஸ் பிடிச்சு சாயங்காலமும் இதே மாதிரி 2 1/2 மணி நேரம் பயணத்தில் வீணாய் போகுது. இதில பஸ்ல சீட் லன்ச் பேக்கை போட்டு கூட்டத்துக்குள் ஏறி சீட் பிடிக்கிறப்போ ஏதோ செவ்வாய் கிரகத்துக்குள்ளே வெற்றிகரமா போய் கொடிய நாட்டின மாதிரி ஒரு ஃபீலீங். இவ்ளோ கஷ்டப்பட்டு வேலைக்கு போறப்போ சில நேரங்கள்ல நவீன பெண்கள் இந்த கஷ்டங்கள்லாம் தேவையா அப்டின்னு நெனைப்பாங்கன்னு நான் நினைக்கிறேன். என்னைய பொறுத்த வரை நான் என்ன நினைக்கிறேன்னா, ரிஸ்க் எடுக்கிறதெல்லாம் எனக்கு ரஸ்க் சாப்பிடற மாதிரி..(அவ்.....)
